اصعب حب؟؟؟؟, just a littel question

أحلى شباب
إيه الأخبار؟؟؟؟؟؟؟
يارب يكون كله تمام
---------------
موضوعى انهارده يا شباب عباره عن سؤال واحد وعايز اعرف اجابته عند كل واحد فيكو
خالد عجاج قال:اصعب حب لما تلاقى اللى انت تحبه مبيحبكش
اما انا فشايف ان اصعب حب هو:
لما تعيش تحلم بصوره فى خيالك وترسم فيها سنين ولما تلاقيها حقيقه قدام عنيك تضيع منك
لما تنزل كل يوم تدور فى وشوش الناس على امل انك تلمح حبيبك وسطهم
لما تطلع كل يوم ذكرى كانت ليكو مع بعض وتلاقى دموعك بتنزل غصب عنك
لما تسهر كل يوم مش شايف غير صوره حبيبك قدام عنيك
لما تشوفه كل يوم فى الحلم واستحاله يعدى يوم من غير ما تحلم بيه
لما تصحى فى نص الليل وتلاقى غصب عنك رجليك وخداك على بيته وتقف بالساعات تحت البيت تكلمه ودموعك فى عنيك
لما رقبتك تتلوح وانت راكب العربيه وتعدى قدام بيته على امل انك تلمحه بس واقف فى البلكونه
لما تشوف فى كل حد تعرفه شئ من حبيبك
لما تبص لصورته وتقعد تتكلم معها فى اليوم 100 مره
لما متبقاش قادر تشوف حبيب غيره فى الدنيا كلها
لما كل دمعه تنزل من عنيك توجعك ومتبقاش عارف تلومه ولا تلوم نفسك
لما تقعد تعد الساعات والدقايق والثوانى من اخر مره كلمته او شوفته فيها
لما تحس ان ملامحك تاهت من عنيه
لما تقابله صدفه وعنيك تيجى فى عنيه وتبقى كل حته فيك عايزه تسيبك وتروحله وتقف متكتف
لما يتهد تمثال كبير قوى كنت حاطط فيه كل ايمانك ومبادئك
لما الدنيا تصحيك على صدمه ان الحب مش اقوى شئ فى الدنيا زى ما كنت فاكر
لما تتقطع كل ما تفتكر انك جرحته او كنت سبب فى دموعه يوم
لما تتجنن وتصرخ وتسأل ازاى حبيبى عمل فيا كده؟؟؟ازاى انا عملت فيه كده؟؟؟ازاى كل اللى بنا ده راح؟؟؟؟ازاى؟؟؟ازاى؟؟؟؟ازاى؟؟؟؟؟مليون سؤال وسؤال ومفيش اجابه
لما تلاقى عذابك وعذابه فاقو اى احتمال ونفسك تعمل اى حاجه ومش قادر علشان انت ضعيف وخايف وجبان
لما تحس بالعجز وتبقى بتهرب من الحياه نفسها
لما تبقى كلمه بحبك على شفايفك بس حاجه مسكاها
لما تصرخ وتقول بحبك بس محدش سامعك فى الدنيا كلها غيرك
لما مبتبقاش عارف اذا كنت عايش ولا ميت ولا عارف انهارده ايه ولا بكره ايه ولا انت حتعمل بكره ويبقو كله عندك زى بعضه
لما تحس بالوحده رغم ان حواليك ناس بتحبك بس هو مش معاك علشان كده حتموت من الوحده
لما تبطل تحكى او تشكى لان الالم اللى جواك عدا كل الحدود وبقى اكبر من انه يتحكى
لما تحس ان دنيا كلها ظلمتك وخانتك علشان هوا ظلمك وخانك
لما تلعن نفسك كل ما تفتكر انه مجروح منك
ولما ولما ولما.....وفيه كتير قوى بس مش قادر اكمل

عموما هوا ده اصعب حب فى نظرى انت شايف ايه؟؟؟

لما تعيش تحلم بصوره فى خيالك وترسم فيها سنين ولما تلاقيها حقيقه قدام عنيك تضيع منك
لما تنزل كل يوم تدور فى وشوش الناس على امل انك تلمح حبيبك وسطهم
لما تطلع كل يوم ذكرى كانت ليكو مع بعض وتلاقى دموعك بتنزل غصب عنك
لما تسهر كل يوم مش شايف غير صوره حبيبك قدام عنيك

لما متبقاش قادر تشوف حبيب غيره فى الدنيا كلها
لما كل دمعه تنزل من عنيك توجعك ومتبقاش عارف تلومه ولا تلوم نفسك
لما تقعد تعد الساعات والدقايق والثوانى من اخر مره كلمته او شوفته فيها
لما تحس ان ملامحك تاهت من عنيه
لما تقابله صدفه وعنيك تيجى فى عنيه وتبقى كل حته فيك عايزه تسيبك وتروحله وتقف متكتف

لما تبقى كلمه بحبك على شفايفك بس حاجه مسكاها
لما تصرخ وتقول بحبك بس محدش سامعك فى الدنيا كلها غيرك
لما مبتبقاش عارف اذا كنت عايش ولا ميت ولا عارف انهارده ايه ولا بكره ايه ولا انت حتعمل بكره ويبقو كله عندك زى بعضه
لما تحس بالوحده رغم ان حواليك ناس بتحبك بس هو مش معاك علشان كده حتموت من الوحده
لما تبطل تحكى او تشكى لان الالم اللى جواك عدا كل الحدود وبقى اكبر من انه يتحكى

بجد بجد بجد مش عارف اقولك ايه فعلن صعب اوى ان كل اللى كنت بتحلم بيه وكل اللى بتتمناه مع من تحب يضيع وكانه بيت ينهار ولكنه فى الحقيقه قلب يتحطم من جراح عميقه قد ملئته ولم يجد دواء ولم يجد بجانبه من يمسح له دمعه وقد ضاع واصبحت زكرى تالمه وعندما يتزكرها يشعر بضيق وفى ثوان وعينيه تنهمر فى الدموع وقلبه يتالم من جراحه اللى قد اصابته من ...... من حبه .
فعلن صعب جدا